مها حمد : إستقبال مولود ـ تجهيز حفلة ـ ديكورات

الفكره العامه بهذي الصورة ، خشب و طبيعه وفوانيس ، ممكن نستخدم اقل التكاليف لصنع هذا الديكور من الحفلات او الإستقبالات ..

نبدى بمدخل الباب للغرفه او باب الحفله ! نبي شي يوصل لنا الجو العام والديكور بشكل جديد وغريب و الورد المستخدم مميز وغير معتاد مثل :

او ممكن يكون شي بسيط و مبتكر جدا مثل شريحه خشب ينحت عليها او او يكتب عليها بالحرق وتتعلق عبر حبال الخيش او مسمار : هالنوع من الخشب موجود في المكاتب الكبيره مثل جرير و الشرق او حتى محلات الخشب .

ممكن يكون ابسط و ابسط ههه عن طريق طباعه شريحه الخشب على ورق ستيكر ويتعلق على البوابه مثل:

ديكور الغرفه ممكن نعتمد فيه على الفوانيس بشكل أساسي وتكون كم حبه موزعه على المدخل و زوايا الغرفه ، وبالنسبه للامان ممكن نستخدم شموع البطاريات *ـ*

و حاملات الشموع ايضا مناسبه مثل هالاشكال :

* الوان الشموع و الفوانيس و صياني التقديم يجب ان تكون موحده اما ذهبي او فضي..

يمكنك اضافه ديكورات منوعه للمكان مثل هذا الكرسي يكون مطعم بالورد او حامل لبلكات شموع كبيره

بالنسبه للورد فيه انواع كثير من الور تمشي مع هالستايل:

١- اولها التوليب الابيض مميز مع هالنوع من الديكورات لكن سلبيته انه غالي و يموت بسرعه .

مناسب يكون في جار شفافه على الطاولات الجانبيه ..

٢- البيبي برث او انفاس الطفل ، رخيص وشكله غير معتاد ويناسب جدا الخشب وايضا عمره طويل.

مناسب جدا يكون في جرات زجاج بين الزوايا ومع الفوانيس *اضافه خيوط الخيش غيرت من شكلها وعطتها مظهر بسيط اكثر،

او معلقه في زوايا المكان مثل:

٣- ورد اليلي ، يعطي فخامه لكن غالي ممكن يكون في مقدمه الغرفه في الواجهه مثل كذا :

٤- الاقحوان، الورد المظلوم :( دائما يستخدم كمكمل للباقه مع ان شكلها جميل جدا و يحسسك بالانتعاش و النقاء ، ممكن يكون داخل فازات خشب او زجاجيه ، وتكون في الاماكن الصغير :

اذا كانت المناسبه استقبال ، هالنوع من المفارش مناسب جدا ويكمل الشكل العام ..

الصياني المستخدمه لهالنوع من الديكور محصوره نوعا ما في الستايل الريفي او البدائي مثل الخشب او السلال :

برايي اكثر نوع ينسجم مع الجو العام هو الخشب مثل :

هالصياني مميزه جدا *ـ* وتناسب الديكور مره

او هذي ، معتاده لكن ممكن يضاف عليها ورد صناعي او طبيعي وتتكشخ :)

النحاس و الفضه خيار جيد تعطي فخامه للجو العام وتتناسق مع الفوانيس :

و الاختيار بينهم يكون على حسب لون الفوانيس ..

* محل التحف الشرقيه في صحارى مول يبيع هالنوع من الصياني و هوم سنتر و ايضا دنيا الاسعار.

هناك افكار كثير لتزيين الصياني اذا احتاجت ، و اكثر الافكار حبيتها هي هذي 0_o

هذي الفكره ممكن تتطبق على صياني الخوص وتتثبت عليها فازات الزجاج وتزين بورد التوليب او البيبي بريث

نوع التقديمات ..

الشوكلا :

*المغلفة:

شوكلا من محل ليفو دااارجه جدا هالايام وسعرها معقول جدا ، ميزتها انها خاليه من السكر يعني مافيه عذر للضيوف :)

المكشوفة:

ممكن هذا الويفر ، لكن صار مستهلك جدا هالايام :

الموالح:

١- محل لاروز من اشهر محلات الحلويات و الموالح وعنهم تشكيله موالح مميزه الشكل و الطعم :

٢- وهذي انواع ثانيه من الموالح مثل المسخن و كرات الزيتون و المقرمشات الملونه :

توزيعات العصير :

العصير ممن يتقدم في انابيب زجاجيه بشكل بسيط وهادي ، ممكن يكون نوع العصير غازي مثل Saudi champagne

او سفن مع فواكهه طازجه ، و عشان تناسب جميع الاذواق ممكن تضيف عصير تفاح بدون غازيات.

او يكون متكلف اكثر مثل هالتقديم..

الماء ايضا في محل نوفو يوفرون مياه ارماني ، شي جيد ! ، لكن الغير جيد ان الحبه ب ١٠ ريال :) ههه

هذا محل يبيع حلويات فرنسيه صغيره مناسبه جدا مع العصير !

محل ليفيو يقدم تشكيله لذذذيذه مثل الاكلير المنوع و بالشعيريه و تارت الميرانق ..

التوزيعات:

بالنسبه للتوزيعات افضل تكون مبتكره وبسيطه مثل :

انابيب زجاجيه تتعبي اي اعشاب تفضلينها ( بابونج، شاي ، اعشاب ، او ورد مجفف ) هالحساب يوفرها ب ١٢ ريال للحبه. معاها كرت صغير تكتبين عليه الاهداء او اي جمله بسيطه. تتقدم في سله خشب او صندوق.